Geguritan Pemut

Pemut

Coba dha ngertia.

Saiki jamane reformasi

Dudu rekornasi

Padha ekor mangan nasi

Nganggo dhuwit negeri sing disaki

Coba dha gatekna

Saiki junjungane demontrasi

Dudu demOncrosi

Demo-demo mOncrot ning pipi

Merga kesasar bedhil polisi

Coba dha mikira

Saiki dalane musyawarah

Dudu musyuharawat

Kabih aparat musuhi rakyat

Merga nuntut ra kuwat mlarat

Coba dha sadara

Kowe iki petinggi negeri

Dudu kewan sinaga api

Lambe menga mara-mara

Ning kabeh tanpa nyata

Coba dha rumangsa

Kowe kabih panjuring bangsa

Salah setitik taruhanmu nama

Mula iki padha elinga

Yen lambe menga coba ditata.