Geguritan "SANEPANE JAGAD"

SANEPANE JAGAD

Dening Suwardi Endraswara

Yen langit tanpa lintang ???

jagad akeh panantang

ra ana crita ngukir tawang!

akeh wong kebranang

golek wah, nyangga utang

Yen langit kedohan rembulan ???

eseme prawan njomplang

ra ana katresnan

mung bun angrem neng suketan

ninggal kesabaran

mbukak topeng-topeng krukupan

lelagon …, dolanan …

nyingkur pranatan!

Saupama ketinggal lintang rembulan ???

wengi kepaten obor

jangkahe wektu; nyimpang dalan

golek gampang

golek penak, mburu cepak

waton tumapak ora ngrewes sing ketlarak

Engguhna dadi kanyatan ???

akeh laku ninggal pepethan

ninggal kamanungsan

bumi peteng

akeh laku peteng

peteng budine

akeh … ???

iku sanepane jagat

kang njaluk dirucat

perlu diruwat