wossipun saking serat Wedhaparaya, anggitanipun Empu Manêhguna

Pamanggih kula ngenani wossipun saking serat Wedhaparaya, anggitanipun Empu Manêhguna

Pethikan saking Serat Wedhaparaya, anggitanipun Empu Manêhguna ing nagari Lamongan ingkang wosipun babagan Kerajaan Tuban.

Cariyosipun dipunwiwiti jumenengipun Prabu Sindupati, ageng karatonipun, ingkang anggadhahi garwa cacahipun sangang dasa sanga, nanging putranipun namung kalih ingkang sami kakung, ingkang sepuh mijil saking garwa pangrembe turasing pandhita, kaparingan nama Raden Warihkusuma, ingkang anem miyos saking garwa padmi putrining ratu, kaparingan nama Raden Warsakusuma, punika ingkang ginadhang anggêntosi karatonipun ingkang rama.

Kekalih putranipun sami rukun sanget. Ananging karukunan menika sami ical amarga parebutan tahta. Sapeninggalaning Sang Prabu Sindupadi ingkang jumeneng nggantosipun sang Prabu yaiku Raden Warihkusuma. Nalika kuwi Raden Warihkusuma anggadhahi kersa badhe nglamar Endang Wresti dateng ing Redi. Ananging Endang Wresti boten kersa kaliyan panjenengane. Lajeng panjenengane wangsul dhateng Tuban. 

Kalajengan cariyosipun, Raden Warihkusuma ana ing negara Banyubiru saget jumeneng dados Pangeran. Kacariyosaken, Sang Prabu Hertambang kagungan kersa mundhut mantu. Dhateng sang pangeran badhe dipundaupaken kaliyan putrinipun Retna Wayi. Cariyosipun dipunpungkasi rebutan keprabon negara Tuban antawis putranipun Warihkusuma lan Putranipun Warsakusuma. Menika ingkang nyebabaken icalipun karukunan antawis Raden Warihkusuma lan Raden Warsakusuma.

Maturnuwun,